ئەم هەفتەیە جارێکی دیکە شاندی هەرێم دەچێتەوە بەغدا

SNN

بڕیارە ئەم هەفتەیە شاندێکی هەرێم بچێتەوە بۆ بەغدا و لەسەر داهاتی نانەوتی لەگەڵ لیژنە داراییەکەی حکومەتی عێراق بگەنە رێککەوتن، چونکە بەغدا لە بەشێک لە بڕگەکاندا داوای داهاتی %100 ناوخۆی هەرێم دەکات.

دوای ئەوەی حکومەتی هەرێم رۆژی پێنجشەممەی رابردوو، داهاتی ناوخۆی رادەستی بەغدا کرد کە 120 ملیار دینار بوو، وا پێشبینی دەکرێت سبەی یەکشەممە ولەگەڵ دەستپێکردنەوەی دەوامدا، وەزارەتی دارایی عێراق مووچەی مانگی شەش-ی فەرمانبەرانی هەرێم بنێرێت.

لای خۆشییەوە وەزارەتیی دارایی حکومەتی هەرێم ئاماژەی بەوەکردووە، کە ئەوان لیستی مووچەیان ئامادەیە هەرکات پارەکەی بەغدا بگات لە ماوەی سێ رۆژدا مووچەی مانگی شەشی فەرمانبەرانی هەرێم دابەشدەکەین.