وەزارەتی بەرگری ئەمریکا لەبارەی مانەوەی هێزەکانیان لە عێراق روونکردنەوە دەدات

SNN

دوای رەتکردنەوەی دەنگۆی چۆڵکردنی بەغدا لەلایەن هێزەکانیانیەوە، وەزارەتی بەرگری ئەمریکا دەڵێت، لە ئۆپەراسیۆنەکانیان لە عێراق دژی داعش تاکو مانگی ئەیلولی 2026 بەردەوام دەبن و لە ئاینده‌شدا هه‌ماهه‌نگیان له‌گه‌ڵ هێزه‌كانی عێراق به‌رده‌وام ده‌بێت.

ئەمڕۆ شەممە 30ـی ئابی 2025، پنتاگۆن باسی لەوەکردووە، بەردەوامن لە پێداچونەوە و رێکخستنی دۆخی هێزەکانیان لە عێراق، لە ئاینده‌شدا هه‌ماهه‌نگیان له‌گه‌ڵ هێزه‌كانی عێراق به‌رده‌وام ده‌بێت، وەزارەتی بەرگری ئەمریکاش وتی، لە ئۆپەراسیۆنەکانیان لە عێراق دژی داعش تاکو مانگی ئەیلولی 2026 بەردەوام دەبن.

ئەوە لەکاتێکدایە، دوێنێ وتەبێژی باڵیۆزخانەی ئەمریکا لە عێراق بڵاویکردەوە، ئەو راپۆرتانەی ده‌ڵێن گوایە هێزەکانی ئەمریکا لە رۆژى شەممەوە بەغدا بە تەواوی چۆڵ دەکەن ناراستن، به‌ڵكو به‌پێی ئه‌و خشته‌یه‌ ده‌بێت كه‌ پێشتر له‌گه‌ڵ لایه‌نی عێراقی له‌سه‌ری رێكه‌وتون.