بومەلەرزەیەکی بەهێز ئەفغانستانی هەژاند کە بەهۆیەوە زیاتر لە 1500 بوونە قوربانی

SNN

تەلەفیزیۆنی نیشتمانی ئەفغانی رایگەیاندووە، شەوی رابردوو بوومەلەرزەیەکی بەهێز ویلایەتی کنری لە رۆژهەڵاتی ئەفغانستان هەژاند، بەهۆیەوە 500 کەس گیانیانلەدەستدا و نزیکەی 1000 کەسی تریش بریندار بوون.

بەیانی ئەمڕۆ دووشەممە 1ی ئەیلوول، تەلەفیزیۆنی نیشتمانی ئەفغانی بەشی بەڕیوەبردنی کارەساتەکانی تاڵیبان رایگەیاندووە، بەهۆی ئەو بومەرلزە بەهێزەوە کە ناوچەکانی بور و مانوکی و شاخی ووادی و وسوکی لەگەڵ نۆرگلی گرتووەتەوە نزیکەی 500 کەس گیانیانلەدەستداوە و زیاتر لە 1000 کەسیش بریندار بوون، تا ئێستاش تیمەکان سەرقاڵی دەرهێنانی هاووڵاتیییان لەژێر داروپەرودی روخاوی ماڵ و باڵەخانەکان.

بەرپرسانی ئەو وڵاتە ئاشکرایانکردووە، گڕی بومەلەرزەکە 6 پلەی رێختەر بووە و کاتژمێر 19:17 خولەک بە کاتی گرینیش نیوە شەوی رابردوو روویداوە.

بەرپرسانی جیۆلۆجی ئەمریکی ئاماژە بەوەدەکەن، بوومەلەرزەکە لە قوڵای هەشت کیلۆمەترەوە بووە.

هاوکات وەزارەتی تەندروستی ئەفغانستان رایدەگەیەنن، ژمارەی قوربانییەکان تاکو ئێستا بە تەواوی روون نییە، بەتایبەت لەو ناوچانەی کە رووبەڕووی لافاو و بومەلەرزەکە بوونەتەوە.

وتەبێژی وەزارەتی تەندروستی ئەفغانستان لە راگەیەنراوێکدا خەجتیکردووەتەوە، “ژمارەی قوربانییەکان تابێت بەرز دەبێتەوە، بەڵام نەتوانراوە تیمەکانی بەرگری بگەنە چەند شوێنێک کە دەستپێگەیشتنی قورس بووە”.