“پێنج شەممە هاوكاری هاوپەیمانان بۆ لیواهاوبەشەكان دابەشدەكرێت و بڕەكەی زۆر كەمكراوەتەوە”

عەلی حەمە سەعید-SNN
وابڕیارە ڕۆژی پێنج شەممە هاوكاری هاوپەیمان بۆ مانگی هەشت دابەشبكرێت، هاوكات بڕی هاوكاریەكەش لە 214 هەزار دینارەوە بۆ 181 هەزار دینار كەمكراوەتەوە.

بەگوێرەی ئەو زانیارییانەی كە لە بەرپرسێكی وەزارەتی دارایی هەرێم بە SNNدراون ئەوەخراوەتەڕوو، بڕی هاوكاری دارایی هاوپەیمانان بۆ لیواهاوبەشەكان خراوەتە سەر ژمارە حسابی وەزارەتی پێشمەرگە و ڕۆژی پێنج شەممە دەستدەكرێت بەدابەشكردن.

ئاماژەی بەوەشكرد، بۆ ئەم مانگە بڕی هاوكارییەكە بۆ 181 هەزار دینار كەمكراوەتەوە، لەكاتێكدا لە مانگەكانی ڕابردوو بڕەكەی 214 هەزار دینار بوو.