لیستی مووچەی مانگی هەشت ئامادە کراوە

SNN

لیستى مووچەى مووچەخۆرانى هەرێمى کوردستان بۆ مانگی هەشت بە سیستمى پەیرۆڵ ئامادەکراوە، هەفتەى داهاتوو لیستەکە رادەستى وەزارەتى دارایی فیدراڵ دەکرێت.

ئەمڕۆ هەینی 5ی ئەیلول، هیوا ئەفەندى، سەرۆکى فەرمانگەى تەکنەلۆجیاى زانیارى لەوبارەیەوە  رایگەیاندووە، هەزار و 189 یەکەى ژمێریارى لە هەرێمى کوردستان هەیە، مووچەى سەرجەمیان بە سیستمى پەیرۆڵ ئامادەکراوە و رەوانەى وەزارەتى دارایی هەرێمى کوردستان کراوە، لیستەکەش لەلایەن وەزارەتى دارایی هەرێمى کوردستان پەسەند کراوە.

بەگوێرەی زانیارییەکان، دوای ئەوەی لیستی مووچەی مانگی هەشت ئامادەکراوە و لەلایەن وەزارەتی دارایی هەرێمی کوردستانەوە پەسەند کراوە، هەفتەى داهاتوو لیستى مووچە رادەستى وەزارەتى دارایی فیدراڵ دەکرێت.

هاوکات، ئامادەکردنى لیستى مووچەى مانگى ئاب لە کاتێکدایە، 33 رۆژ بەسەر رادەستکردنى لیستى مووچەى مانگى تەمموز تێدەپەڕێت و تاوەکو ئێستا وادەى خەرجکردنى مووچەى ئەو مانگە لەلایەن بەغدادەوە ناڕوونە.