وەزارەتی پەیوەندیەکانی عێراق: ساڵی ئایندە عێراق ماڵئاوای لە وای فای دەکات

SNN

ئەمڕۆ یەکشەممە، وەزیری پەیوەندییەکانی عێراق، هەیام یاسری، بە میدیاعێراقییەکانی ڕایگەیاندوە، تا ساڵی ئایندە، لە سەرانسەری عێراق، ئینتەرنێت دەبیت بە کێبڵی فایبەر ئۆپتیک و جێگەی وای فای “Wi-Fi”، دەگرێتەوە.

وەزیەرەکی عێراق وتوشیەتی؛ داخستنی وای فای “Wi-Fi”، بە مانای داخستنی خزمەتگوزاری ئینتەرنێت نییە، وەک هەندێک بانگەشەیان بۆ کردوە، بەڵکو دەمانەویت خزمەتگوزاری ئینەرنێت باشتر بکەین، چونکە کێبڵی فایبەر ئۆپتیک، چونکە زۆر خێراتر و باشترە لە چاو وای فایدا “Wi-Fi”،.

ئاماژەی بەوەشکردوە، “لە ئێستادا وەزارەتەکەیان دەستی کردوە بە لابردنی خزمەتگوزاری وای فای و ئەو شوێنانەی کە کێبڵی فایبەر ئۆپتیکیان تێدایە، خزمەتگوزاری وای فای تێدا وەستێندراوە.

دەشڵێت؛ “بەپێی ئەو خشتە و پلانانەی کە دانروان، خزمتگوزاری وای فای “Wi-Fi”،لە ساڵی داهاتودا بە تەواوی کۆتایدێت و بەکارهێنانی کێبڵی فایبەر ئۆپتیک بە تەواوی پەسەند دەکرێت.

جەختیشیکردوەتەوە، خزمەتگوزاری ئینتەرنێت لە ڕێگەی کێبڵی فایبەر ئۆپتیکەوە دەیان هێندە باشتر دەبێت لە وای فای و نرخەکەشی گونجاوە کاتێک بەراورد دەکرێت بە نرخی بەشداریکردن و خێرایی ئینتەرنێتی دابینکراو.