یسرائیل کاتز: غە.ززە دەسووتێت

SNN-

ئەمڕۆ سێشەممە، 16ـی ئەیلوولی 2025، یسرائیل کاتز، وەزیری بەرگریی ئیسرائیل، ڕایگەیاند “غەززە دەسووتێت” و ئاماژەی بەوەشکرد، سوپای ئیسرائیل لە ژێرخانی حەماس دەدات.

لە بەیاننامەیەکدا، کاتز رایگەیاندوە: سوپا بۆ ڕەخساندنی زەمینە بۆ ڕزگارکردنی بارمتەکان و شکستپێهێنانی بزووتنەوەی حەماس خەبات دەکات. هەروەها جەختی کردەوە، هێزەکانی ئیسرائیل پاشەکشە ناکەن تا ئەرکەکەیان لە غەززە تەواو نەبێت.

هاوکات مارکۆ ڕوبیۆ، وەزیری دەرەوەی ئەمریکا، لە کاتی جێهێشتنی تەلئەڤیڤ، پشتڕاستی کردەوە، حەمـ*ـاس ماوەیەکی زۆر کورتی هەیە بۆ قبوڵکردنی ئاگربەست. میدیاکان باس لە دەستپێکردنی هێرشی زەمینی بۆ سەر ئەو شارەی فەڵەستین دەکەن، کە نزیکەی 300 هەزار فەڵەستینی لێیەوە بەرەو باشووری کەرتی غە*ززە هەڵاتوون.

لە درەنگانی شەوەوە هێرشێکی ئاسمانی ئیسرائیل بۆ سەر باڵەخانەیەکی نیشتەجێبوون لە نزیک یەکگرتنی ئاسایشی گشتیی لە باکووری ڕۆژئاوای شارەکە، هەشت فەڵەستینی کوژ*راون، بەمەش ژمارەی کوژراوان لە بەرەبەیانی دوێنێوە گەیشتە 72 کەس.