فوئاد حسێن “ئەم رێککەوتنە راستەوخۆ پەیوەندی بە بودجەوە هەیە و کێشەی مووچە چارەسەر دەبێت”
فوئاد حسێن، وهزیرى دهرهوهى عێراق | فۆتۆ: Mazin Mahdi / AFP
SNN
فوئاد حسێن، وەزیری دەرەوەی عێراق لەبارەی رێککەوتنی وەزارەتی نەوتی عێراق و هەرێم و کۆمپانیا نەوتییەکان لەسەر شەش خاڵی بنەرەتی دەڵێت، ئەم رێکەوتننامەیە یەکێکە لە رێککەوتنە گرنگەکەکانی نێوان عێراق و هەرێم.
د. فوئاد حوسێن دەڵێت: “ئەمە رێککەوتنێکی گرنگە، ئاسان نەبوو. تاوەکو ئێستا هیچ رێککەوتنێکی وا نەکراوە.”
وەزیری دەرەوەی عێراق هەروەها وتی، “ئەمە رێککەوتنێکی زۆر جیاوازە؛ رێککەوتنێکە لە نێوان هەولێر و بەغدا و، لە نێوان هەولێر، بەغدا و کۆمپانیاکان.” هەروەها “ئەم رێککەوتنە راستەوخۆ پەیوەندی بە بودجەوە هەیە و کێشەی مووچە چارەسەر دەبێت لەگەڵ پرسی داهاتی نانەوتی چارەسەر دەبێت.
بەگوێرەی ئەو زانیارییانەی كە لەسەرچاوەیەكی تایبەتی ئەنجومەنی وەزیرانی هەرێم بە SNNدراون ئەوە خراوەتەڕوو، ڕێككەوتنی هەناردەكردنەوەی نەوت واژۆی لەسەركرا بەجۆرێك
یەكەم: نەوتی هەرێم لە رێگەی كۆمپانیای سۆمۆ هەناردە دەكرێت.
دووەم: حەقی كۆمپانیاكان بۆ هەر بەرمیلێك ١٦ دۆلار دەبێت.
سێیەم: كرێی كۆمپانیاكان لەو رۆژەوەی نەوت هەناردە دەكرێت هەژمار دەكرێت و دەدرێتە كۆمپانیاكان.
چوارەم: هەرێم رۆژانە ٥٠ هەزار بەرمیل نەوت لە ناوخۆ بەكاردێنێتەوە.
پێنجەم: داهاتە فیدڕاڵییەكان لە ١٠٠٪ و داهاتی نانەوتی لە ٥٠٪ بۆ عێراق دەنێردرێت.
شەشەم: لە بەرامبەردا عێراق مووچەی مانگانە بۆ مووچەرانی هەرێم دەنێرێت.
هەر بەگوێرەی زانیارییەكانی SNN ئەم رێكەوتنە تا پەسەند كردنی یاسای بووجەی ٢٠٢٦ كاری پێدەكرێت.
