بەغدا بڕی 57 ملیار دیناری ڕەوانەی هەرێم كرد
گەنم و بنەتۆو
عەلی حەمە سەعید-SNN
بەڕێوەبەری بازرگانی دانەوێڵەی سلێمانی ئاماژە بەوەدەكات لەلایەن بەغداوە بڕی 57 ملیار دینار وەك بەشێك لە پارەی گەنمی جوتیارانی هەرێم ڕەوانە كراوە و بەگوێرەی بڕی ڕادەستكراوی گەنم بەسەر جوتیارانی هەرێم دابەشدەكرێت.
نەسرین ئەحمەد، سەرپەرشتیاری سایلۆكانی سلێمانی و هەڵەبجە، بە SNNی ڕاگەیاند: ئەمڕۆ بڕی 57 ملیار دینار بۆ پارەی گەنمی جووتیارانی هەرێمی كوردستان لە بەغداوە نێردراوە بۆ هەرێمی كوردستان، هاوكات پارەكە كراوە بە چەك و 25 ملیاری بۆ پارێزگای سلێمانی و هەروەهابڕی 20 ملیاری بۆ پارێزگای هەولێرە و 12 ملیاریشی بۆ پارێزگای دهۆك تەرخانكراوە.
بەڕێوەبەری بەڕێوەبەری بازرگانی دانەوێڵەی سلێمانی ئەوەشی خستەڕوو، رێكارەكانی خەركردنی چەكەكان دەستیپێكردووە و وەرگرتنی پارەكەش لەلایەن جوتیارانەوە لە بانكەكاندا دەكەوێتە هەفتەی داهاتوو.
