بەم مەرجانە بەغدا ئامادەیە مووچە بنێرێت

SNN

لە کۆبوونەوەکەی ئەمڕۆی ئەنجوومەنی وەزیراندا بڕیاری خەرجکردنی مووچەی مانگی 7 دراوە، بەڵام خەرجکردنی پارەکە بە مەرج دەبێت و بۆ مانگەکانی دواتریش بە مەرجی جێبەجێکردنی خاڵەکانی رێککەوتنی هەولێر وبەغدا دەبێت.

بەگوێرەی زانیارییەکان، ئەنجوومەنی وەزیرانی عێراق لە کۆبوونەوەکەی ئەمڕۆیدا لەبارەی مووچە و نەوت و داهاتی نانەوتی هەرێمی کوردستانەوە بۆ خەرجکردنی مووچە و هەناردەکردنەوەی نەوتی هەرێم ئەم بڕیارانەی دەرکردووە:
1- پێداچونەوە بە راپۆرتەکەی ئەنجوومەنی دەوڵەەت دەکرێت و تا کێشەی داهاتی ناخۆ یەکلادەبێتەوە، بەغداد بۆ خەرجکردنی مووچەی مانگی حەوت داوای کردوە هەرێم هاوشێوەی دوو مانگی پێشوتر بڕی 120 ملیار دینار رادەست بکات.
2- دەبێت لە 48 کاتژمێری داهاتودا هەناردەی نەوتی هەرێم دەستپێبکاتەوە.
3- پێشوازی لە دەستپێشخەرییەکەی کۆمپانیای دی ئێن ئۆی نەرویژی دەکرێت بۆ دەستپێکردنەوەی هەناردەی نەوت.
4- بەدەستپێکردنەوەی هەناردەی نەوت، گفتوگۆی مووچەی مانگەکانی هەشت تا 12 دەکرێت.
5- پێویستە لە مووچەی مانگی هەشتەوە بڕی ئەو داهاتەی هەرێم رادەستی دەکات، زیاتر بێت لە 120 ملیار دینار.