تیمی یهكێتی: رێككهوتنی ههرێم و بهغدا دهرئهنجامی ههوڵهكانی سهرۆك بافڵه
بافڵ تاڵهبانى | فۆتۆ: SNN
ههوڵ و كۆششهكانی سهرۆك بافڵ بۆ چارهسهری كێشهكانی نێوان ههرێم و بهغدا بهتایبهت لهسهر پرسی مووچه بهئهنجام دهگات و ناردنی مووچهی مانگی تهمموزو چارهسهری ریشهیی كێشهی مووچه ئهنجامی ئهو لێكتێگهیشتنهیه كه پێشتر لهنێوان سهرۆك بافڵ و سهرۆكوهزیرانی عیراقدا هاته ئاراوه، سهرچاوهیهكیش لهتیمی یهكێتی لهبهغدا دهڵێت: بهردهوامدهبین له ههوڵهكانمان بۆ چارهسهركردنی كێشهكان.
سهرچاوهیهك له تیمی یهكێتیی نیشتمانیی كوردستان له بهغدا به میدیای فەرمی یەکێتیی راگهیاند: بڕیاری خهرجكردنی مووچهی مانگی 7ی مووچهخۆرانی ههرێم، دهرئهنجامی سهردانی پێشووی سهرۆك بافڵ جهلال تاڵهبانی-یه بۆ بهغدا و كۆبوونهوهی لهگهڵ محهمهد شیاع سودانی سهرۆكوهزیرانی عیراقه، كهله میانهی كۆبوونهوهكهدا لێكتێگهیشتن و ئهنجامێكی ئهرێنی ههبوو بۆ چارهسهركردنێكی ریشهییانهی كێشهی مووچهی مووچهخۆرانی ههرێم.
ئاماژەی بەوەکردووە، ههرچهنده میكانیزمی جێبهجێكردنی رێككهوتنامهكه لهكاتی دیاریكراودا به تهواوهتی نهكهوته بواری جێبهجێكردنهوه، بهڵام یهكێتیی نیشتمانیی كوردستان بهردهوامبوو لهسهر ههوڵ و كۆششهكانی بۆ چارهسهركردنی پرسی مووچهی مووچهخۆرانی ههرێم و لهئێستادا بهشێكی زۆری كێشهكانی نێوان ههرێم و بهغدا چارهسهر كراون.
ئهمهش له كاتێكدایه، رۆژی 15 ی 7ی 2025، بافڵ جهلال تاڵهبانی سهرۆكی یهكێتیی نیشتمانیی كوردستان گهیشته بهغدا و لهگهڵ محهمهد شیاع سودانی سهرۆكوهزیرانی عیراق، له بارهی چارهسهركردنی كێشهی مووچهخۆرانی ههرێم كۆبووهوه، هاوكات له كۆبوونهوهی نا ئاسایی ئهنجومهنی وهزیرانی عیراقدا كه رۆژی 17ی 7ی 2025 بهڕێوهچوو، سهرۆكوهزیرانی عیراق ستایشی ههوڵهكانی سهرۆكی یهكێتیی نیشتمانیی كوردستانی سهبارهت به رێككهوتن لهسهر دۆسیهی رادهستكردنی نهوت و داهاته نانهوتییهكانی ههرێم و چارهسهركردنی كێشهكانی نێوان ههرێم و بهغدا كرد.
