ئێران: وەڵامێکی توندمان بۆ سەپاندنەوەی سزاکان دەبێت

SNN-

ئێران سەپاندنەوەی سزاکانی نەتەوە یەکگرتووەکان بەسەر وڵاتەکەیدا بە “ناڕەوا” دادەنێت و دەڵێت، “وەڵامێکی تووند و گونجاو”ی دەبێت.

وەزارەتی دەرەوەی ئێران رایگەیاند: “کاراکردنەوەی سزا هەڵوەشێنراوەکان نەک تەنیا لە رووی یاساییەوە بێبنەما و نادادپەروەرانەیە، بەڵکو پێویستە هەموو وڵاتان خۆیان لە داننان بەم دۆخە نایاساییەدا بە دوور بگرن.”

ئەمەش لە کاتێکدایە، کاتژمێر 3ی بەرەبەیانی ئەمڕۆ سزاکانی ئەنجوومەنی ئاسایشی نەتەوەیەکگرتووەکان دژی تاران سەبارەت بە بەرنامە ئەتۆمییەكەی لە رێگەی میكانیزمێكەوە كە بە “سناپباك” ناسراوە، دەچێتە بواری جێبەجێكردنەوە، ئەمەش دوای دە ساڵ لە هەڵوەشاندنەوەی ئەو سزایانە.