نوری مالیکی: دواخستنی هەڵبژاردن عێراق دەباتە تونێلێکی تاریکەوە
نوری مالیکی
SNN-
نووری مالیکی، سەرۆکی هاوپەیمانیی دەوڵەتی یاسا، هۆشداری دەدات لە دواخستنی هەڵبژاردن و رایدەگەیەنێت، دواخستنی پرۆسەکە عێراق دەباتە “تونێلێکی تاریکەوە کە دەربازبوونی نابێت.”
“هیچ پاشگەزبوونەوەیەک لە دیموکراسی نییە”
مالیکی لە وتەیەکدا رایگەیاندووە، هیچ پاشگەزبوونەوەیەک لە پرۆسەی سیاسی و دیموکراسی نییە و هەڵبژاردن “بەرپرسیارێتییەکی نیشتمانی و دەستکەوتێکی شەرعییە” و دواناخرێت.
وتیشی: “بەتوندی پابەندین بە ئەنجامدانی هەڵبژاردن و هەڵبژاردن رۆحی دیموکراسییە و بەبێ هەڵبژاردن پرۆسەی سیاسی بوونی نابێت.”
“حکومەت شەرعییەت لەدەستدەدات”
سەرۆکی هاوپەیمانیی دەوڵەتی یاسا راشیگەیاندووە، بە تەواوبوونی تەمەنی ئەنجوومەنی نوێنەران، حکومەتیش شەرعییەت لەدەستدەدات. ئاماژەی بەوەشکرد، “بەبێ بوونی ئەنجوومەنی نوێنەران و حکومەتی نوێ، دەچین بەرەو پشێوی و چارەنووسێکی نادیار.”
بە وتەی مالیکی، هەڵبژاردن دەبێتە بەربەستێک لەبەردەم سیاسەتی دەستوەردان لە کاروباری عێراق. بۆیە داوایکرد هاووڵاتییان بەشداری لە هەڵبژاردندا بکەن و گوێ بەو کەسانە نەدەن کە باس لە دواخستنی دەکەن، چونکە “دواخستنی هەڵبژاردن عێراق دەباتە تونێلێکی تاریکەوە کە دەربازبوونی نابێت
