بافڵ جەلال تاڵەبانی: رێککەوتنی هەناردەکردنەوەی نەوت دەرفەتێکە بۆ باشترکردنی ژیانی خەڵک

SNN-

بافڵ جەلال تاڵەبانی، سەرۆکی یەکێتیی نیشتمانیی کوردستان، لە دەباشان پێشوازی لە یان شنیادۆف، باڵیۆزی کۆماری چیک لە عیراق کرد. لە دیدارەکەدا جەخت لە پێویستیی بەرەوپێشبردنی پەیوەندیی دۆستانە و هاریکاریی نێوان هەرێمی کوردستان و کۆماری چیک کرایەوە. هەردوولا هاوڕابوون لەسەر گرنگی پەرەپێدانی پەیوەندییەکان لە سەرجەم بوارەکاندا، بەتایبەتی لە رووی ئابووری و وەبەرهێنانەوە.

رێککەوتنی هەناردەکردنەوەی نەوت

سەرۆکی یەکێتیی نیشتمانیی کوردستان و باڵیۆزی کۆماری چیک لە عیراق، بە گرنگییەوە باسیان لە رێککەوتنی هەناردەکردنەوەی نەوتی هەرێمی کوردستان کرد. ئەم رێککەوتنە بە دەرفەتێکی باش زانرا بۆ پاراستنی سەقامگیریی وڵات و باشترکردنی ژیانی خەڵک.