SNNزانیاری ئاشكرا دەكات، وەزارەتی دارایی هەرێم 120 ملیار دیناری ئامادەیە و ئەمڕۆ داوای بكرێت سبەی دەینێرێت

عەلی حەمە سەعید-SNN
بەرپرسێكی وەزارەتی دارایی هەرێم ئاشكرایدەكات كە 120 ملیار دینار داهاتی ناوخۆ بۆ مووچەی مانگی هەشت ئامادەیە و ئەگەر ئەمڕۆ ئەنجومەنی وەزیران و وەزارەتی دارایی عێراق داوای ناردنی ئەو داهاتە بكەن لەماوەی دوو ڕۆژدا ڕەوانەی بەغدای دەكەین.

بەگوێرەی ئەو زانیارییانەی كە لە بەرپرسێكی وەزارەتی دارایی هەرێم بە SNNدراون ئەوەخراوەتەڕوو، داهاتی نانەوتی كە دەبێت بڕەكەی 120 ملیار دیناربیت و ڕەوانەی بەغدای بكەین، بۆ مووچەی مانگی هەشت ئامادەیە و پارێزگاكانی سلێمانی هەولێر و دهۆك پشكی خۆیان لە كۆكردنەوەی ئەو داهاتە ڕەوانەی وەزارەتی دارایی كردووە.

ئاماژەی بەوەشكرد، وەزارەتی دارایی هەرێم هیچ گرفتێكمان لە ناردنی 120 ملیار دیناری داهاتی نانەوتی نییە، تەنها لەچاوەڕوانی ئەوەداین ئەمڕۆ لە كۆبوونەوەی ئەنجومەنی وەزیران بڕیار لەسەر ناردنی مووچەی مانگی 8 بدرێت و دواتر وەزارەتی دارایی عێراق داوای داهاتی نانەوتیمان لێبكات، ئێمە ڕاستەوخۆ دەینێرین.

ئەو بەرپرسەی وەزارەتی دارایی هەرێم ئەوەشی خستەڕوو، وەزیرە كوردەكان ڕاسپێردراون كە لە كۆبوونەوەی ئەمڕۆی ئەنجومەنی وەزیران پرسی ناردنی مووچەی مانگی هەشتی فەرمانبەرانی هەرێم بخرێتە بەرباس، ئەگەر ئەو بڕیارەش بدرێت ئەوا تا پێش ناوەڕاستی ئەم مانگەی دەستبەدابەشكردنی مووچەی مانگی هەشت دەكرێت.