سودانی ناوەرۆکی کۆبوونەوەکەی لەگەڵ سەرۆکی یەکێتی دەخاتەڕوو
SNN
نوسینگەی محەمەد شیاع سودانی، سەرۆکوەزیرانی عێراق سەبارەت بە ناوەرۆکی کۆبوونەوەی سودانی و سەرۆکی یەکێتی رایگەیاند، چەندین تەوەری ئابوری و سیاسی لە کۆبوونەوەکەدا باسکراون.
بە گوێرەی راگەیەندراوەکە، لەو کۆبوونەوەیەدا بارودۆخی وڵات، گرنگی یەکهەڵوێستی و گوتاری نیشتمانی و جێبەجێکردنی پلانەکانی پەرەپێدانی کەرتەکانی ئابووری، گەشەپێدان، و خزمەتگوزاری خرانە بەرباس
ئاماژەی بەوەشکردووە، باشترکردنی هاوکاری و هاوئاهانگی نێوان حکومەتی فیدڕاڵ و هەرێمی کوردستان لە بەر رۆشنایی رێککەوتنی هەناردەکردنەوەی نەوتی هەرێم جەختیلێکرایەوە
هەروەها ئەوەشخراوەتەڕوو، کە پرسی سەرخستنی پرۆسەی هەڵبژاردن و هێنانەدی بەشداری بەرفراوانی جەماوەری تەوەرێکی دیکەی کۆبوونەوەکە بووە.
