بافڵ جەلال تاڵەبانی و فایەق زێدان جەختیان لە سەربەخۆیی دادگاکان کردەوە
SNN
بافڵ جەلال تاڵەبانی، سەرۆکی یەکێتیی نیشتمانیی کوردستان، لە بەغدای پایتەخت لەگەڵ فایەق زێدان، سەرۆکی ئەنجوومەنی باڵای دادوەریی عیراق، کۆبووەوە.
لە کۆبوونەوەکەدا، کە هەریەک لە نزار ئامێدی، ئەندامی مەکتەبی سیاسیی یەکێتی و د. خالید شوانی، وەزیری دادی عیراق ئامادەیبوون، جەخت لە پرسەکانی پەیوەست بە کاروباری دادوەری و سەربەخۆیی دادگاکان کرایەوە.
گفتوگۆ لەسەر سەروەری یاسا
یەکێکی دیکە لە تەوەرە سەرەکییەکانی کۆبوونەوەکە، گفتوگۆکردن بوو لەبارەی سەروەربوونی یاسا و چۆنیەتی پەیڕەوکردنی لە سەرجەم دامەزراوەکانی دەوڵەتدا.
رێکارەکانی هەڵبژاردن
هەر لەو دیدارەدا، رێکارە یاساییەکانی تایبەت بە هەڵبژاردنی داهاتووی ئەنجوومەنی نوێنەرانی عیراق، بە وردی تاوتوێ کران.
