دەست بە دابەشکردنی نەوتی سپی کرا
SNN-
لەگەڵ هاتنی وەرزی سەرما، پرۆسەی دابەشکردنی نەوتی سپی بەسەر هاووڵاتییاندا دەستی پێکرد و لە قۆناغی یەکەمدا لە سنوری ئیدارەی سەربەخۆی سۆران نەوت دابەش دەکرێت.
بڕ و نرخی نەوتەکە
بەڕێوەبەرایەتی ناحیەی وەرتێ ڕایگەیاندووە، بۆ هەر خێزانێک بڕی 200 لیتر نەوتی سپی دابین کراوە. نرخی ئەو 200 لیترەش بە 103 هەزار و 500 دینار دیاری کراوە.
شوێن و کاتی وەرگرتن
دابەشکردنەکە لە دوای نیوەڕۆی ئەمڕۆ یەکشەممە، 12ی تشرینی یەکەمی 2025، لە “بەنزینخانەی وەرتێ” دەست پێدەکات. هاووڵاتییان دەتوانن سەردانی بەنزینخانەکە بکەن بۆ وەرگرتنی پشکی خۆیان.
پێداویستییەکان چین
بەرێوەبەرایەتییەکە هاووڵاتییان ئاگاردەکاتەوە بۆ وەرگرتنی بەشە نەوتەکەیان پێویستە کۆپی کارتی نیشتمانی یاخود کۆپی پسوڵەی خۆراکیان پێ بێت.
