بنیامین ناتانیاهۆ دەچێتە میسر بۆ بەشداری لە لوتکەی ئاشتیدا

SNN

سەرۆکایەتی کۆماری مسیر ئەمڕۆ دووشەممە رایگەیاند، هەریەکە لە مەحمود عەباس سەرۆکی فەلەستین و بنیامین ناتانیاهۆ، سەرۆکوەزیرانی ئیسڕائیل بەشداری لە لوتکەی ئاشتی “شەرەم شێخ” دەکەن، باس لە میکانزیمەکانی رێککەوتنی ئیسڕائیل فەلەستین و دانانی چەک دەکرێت.

ئاماژە بەوەش دەکرێت لە لوتکەکەدا باس لە رێککەوتنی ئاشتی و بەرقەرابوونی ئاشتی لە ناوچەکەدا دەکرێت، هەنگاوی داهاتووش بریتی دەبێت لە نۆژەکردنەوەی غەززە بەپێی ئەو رێککەوتنەی لە نێوان ئیسڕائیل و فەلەستیندا دەکرێت.

لوتکەی ئاشتی شەرەم شێخ، لەسەر پێشنیازی دۆناڵد ترەمپ، سەرۆکی ئەمریکا ئەمجام دەدرێت، بۆ زیاتر بەرقەراربوونی ئاستی لە رۆژهەڵاتی ناوەراست، بەمەش، زۆررترین سەرکردەی وڵاتانی عەرەبی و بۆ یەکەمجار سەرۆکوەزیرانی ئیسڕائیل بەشدار دەبێت.

شایەنی ئاماژەپێکرد، هەر ئەمڕۆ محەمەد شیاع سودانی سەرۆکوەزیرانی عێراق، بۆ بەشداری هەمان لوتکە دەگاتە وڵاتی میسر و وا بڕیارە یەکەم کۆبوونەوەی لەگەڵ ئیمانیۆل ماکرۆن سەرۆکی فەرەنسا ئەنجام بدات.