ئەمڕۆ ئەنجوومەنی وەزیرانی هەرێم کۆدەبێتەوە
SNN
ئەمڕۆ ئەنجومەنی وەزیرانی هەرێم کۆبوونەوەی ئاسایی هەفتانەی خۆی ئەنجام دەدات، لە کۆبوونەوەکەدا پرسی مووچە تاووتوێدەکرێت.
ئەمڕۆ چوارشەممە 15ی تشرینی یەکەم، ئەنجومەنی وەزیرانی هەرێم کۆبوونەوەی ئاسایی هەفتانەی خۆی ئەنجام دەدات، بەگوێرەی زانیارییەکان، لە بەشێکی کۆبوونەوەکەدا دەرئەنجامی پێداچوونەوە و هەڵسەنگاندنی بارودۆخی دارایی هەرێم تاووتوێدەکرێت.
هاوکات، هەر لە کۆبوونەوەکەدا هەنگاوەکانی بەدواداچوون بۆ خەرجکردنی مووچەی مانگەکانی ئەمساڵ لەلایەن شاندی دانوستانکاری هەرێم و وەزیری داراییەوە دەخرێنەروو.
ئەم کۆبوونەوەیە لە کاتێکدایە کە نیوەی مانگی 10 تێپەڕیوە و هێشتا مووچەی مانگی 8 و 9ی فەرمانبەران دابەش نەکراوە.
