سفرەکانی سەر دیناری عێراقی لادەبرێت

SNN

پارێزگاری بانکی ناوەندی عێراقی رایگەیاندووە، نیازی لابردنی سفرەکانی سەر دیناری عێراقیان هەیە، دەڵێت “بانکی ناوەندی عێراقی یەدەگی زێڕی زیادکردووە”.

عەمار خەڵەف، جێگری پارێزگاری بانکی ناوەندی، رایگەیاندووە، نیازی لابردنی سفرەکانی دیناری عێراقیان هەیە، بەمەبەستی کەمکردنەوەی بارگرانی کەڵكەبونی دراوى نەختینە لەسەر کەرتی دارایی .

ئاماژەی بەوەکردووە، بانکی ناوەندی عێراق یەدەگی زێڕی لە 90 تۆنەوە بۆ 170 تۆن لە ئێستادا زیادکردووە.

جەختیکردووەتەوە، ئەم بڕە زێڕە ئێستا 20%ی کۆی سامانی بانکی ناوەندی پێکدەهێنێت، عێراق لە ئێستادا لە پلەی چوارەمی وڵاتانی عەرەبیدایە لە رووی خاوەندارێتی یەدەگی زێڕو لە پلەی 29یەمی وڵاتانی جیهانیشدایە.