یەکێتی بە فەرمی کاندیدەکانی بۆ هەڵبژاردنی پەرلەمانی عێراق دەناسێنێت

SNN-

بە ئامادەبوونی بافڵ جەلال تاڵەبانی، سەرۆکی یەکێتیی نیشتمانیی کوردستان، ئەمڕۆ لە شاری سلێمانی یەکەمین کەرنەڤاڵی ناساندنی کاندیدەکانی لیستی (222)ـی یەکێتی بەڕێوەدەچێت.

بافڵ جەلال تاڵەبانی وتاری بانگەشە پێشکەش دەکات

کاروان گەزنەیی، وتەبێژی یەکێتیی نیشتمانیی کوردستان، ڕایگەیاند کەرنەڤاڵەکە کاتژمێر دووی پاشنیوەڕۆی ئەمڕۆ دەستپێدەکات و تێیدا بافڵ جەلال تاڵەبانی، سەرۆکی یەکێتی، یەکەمین وتاری ڕووبەڕووی بانگەشەی هەڵبژاردن پێشکەشی ئەندامان، لایەنگران و دەنگدەرانی حزبەکەی دەکات.

بانگەشەی هەڵبژاردنەکان

بڕیارە هەڵبژاردنی خولی شەشەمی پەرلەمانی عێراق لە ڕۆژی 11ی تشرینی دووەم بەڕێوەبچێت و تەنها 20 ڕۆژ لەبەردەم لایەنە سیاسییەکاندا ماوە بۆ ئەنجامدانی بانگەشە.