لە سەنتەری شاری سلێمانی دەست بە دابەشکردنی نەوت دەکرێت

SNN-

جێگری پارێزگاری سلێمانی رایگەیاند، لە ئامادەکاریدان بۆ پڕۆسەی دابەشکردنی نەوت لە ناوچە سنوورییەکان و کوێستانییەکان و دواتر بۆ ناو شاری سلێمانی.

چەند ڕۆژێکە دابەشکردنی نەوت لەلایەن حکومەتی هەرێمەوە بەسەر هاووڵاتییان دەستیپێکردووە و دوێنێ شەممە، لە شارەدێی تەوێڵەی سەر بە پارێزگای هەڵەبجە، دەست بە دابەشکردنی نەوتەکە کرا، کە بۆ هەر 200 لیترێک نەوت 104 هەزار دینار لە هاووڵاتییان وەردەگیرێت.

هاوکات، شاهۆ عوسمان، جێگری پارێزگاری سلێمانی لە لێدوانێکیدا رایگەیاند، لە ئامادەکاریدان بۆ پڕۆسەی دابەشکردنی نەوت لە ناوچە سنوورییەکان و کوێستانییەکان.

شاهۆ عوسمان، ئاماژەی بەوەشکردووە، “بەم نزیکانە دەست بە دابەشکردنی نەوت لە سەنتەری شاری سلێمانی دەکەن.”