ئەو خوێندکارانە مەکەنە ژوورەوە کـە خـۆیان لە خـوێندنگە دزیـوەتەوە

SNN

بەهۆی زۆربوونی خۆدزینەوەی خوێندکاران لە پارێزگای نەجەف، پەروەردەی پارێزگاکە داوا لە سەرجەم، کافتریا و بلیارد و گەیم سەنتەرەکان دەکات، بە هیچ جۆرێک خوێندکار نەکەنە ژوورەوە و پێشوازیان لێ نەکەن، چونکە ئەوان لە خوێندنگە خۆیان دزیوەتەوە و کاتەکانیان بە یارییە و شتی نا گونجاوەوە بەسەر دەبەن.

پەروەردەی نەجەف لە هەمان کاتدا پەیامێک ئاراستەی دایکان و باوکان دەکات و بۆیان رووندەکاتەوە، کە بەشێک لە خوێندکارەکانتان بەناوی هاتن بۆ وانە و خوێندگەوە، بەسەر دیواری خوێندگەکاندا خۆیان دەدزنەوە، بۆ کافتریا و یانە گەنجانەکان، بۆیە داوا لە دایکان و باوکان دەکەین کە بەدەوام چاویان لەسەر مندالەکانیان بێت لە دەرەوەی خوێندنگە.