باران چەند ناوچەیەکی هەرێم دەگرێتەوە

SNN

بە وتەی شارەزایەکی کەشناسی بارانبارین چەند ناوچەیەکی شاخاوی لە هەرێمی کوردستان دەگرێتەوە، دەشڵێت، ئەمساڵ بەراورد بە ساڵی رابردوو بارانبارین باشتر دەبێت.

محەمەد کەلاری شارەزای کەشناسی بە SNNی راگەیاند، ئەمڕۆ سێ شەممە بارانبارین ناوچە شاخاوییەکانی دهۆک و هەولێر و ئیدارەی سۆران دەگرێتەوە و هەورە بروسکەشی لەگەڵ دەبێت.

باسی لەوەشکرد، بەراورد بە ساڵی رابردوو ئەمساڵ رێژەی بارانبارین باشتر دەبێت.

روونیشیکردەوە، تا مانگی 12 رێژەی بارانبارین کەمە، لە دوای ئەو مانگە و سەرەتای ساڵی داهاتوو، گۆڕانکاری روودەدات و ساڵێکی باش دەبێت و قەرەبووی ساڵی رابردووش دەکرێتەوە و رێژەیەکی زۆر باران دەبارێت.