ترەمپ سەردانی ئاسیا دەكاتەوە و لەگەڵ ( كیم جونگ ئون) سەرۆكی كۆریای باكوور كۆدەبێتەوە

SNN

تۆڕی هەواڵی (CNN) بڵاویكردەوە، بڕیارە مانگی داهاتوو دۆناڵد ترەمپ، سەرۆكی ئەمەریكا سەردانی كیشوەری ئاسیا بكات؛ هاوكات بەرپرسانی باڵای ئیدارەی ئەمەریكا تاوتوێی ڕێكخستنی كۆبوونەوەیەك لە نێوان ترەمپ و كیم جۆنگ ئۆن، سەرۆكی كۆریای باكوور دەكەن لەو سەردانەدا.

سەرچاوە ئاگادارەكان بە (CNN)ـیان ڕاگەیاندووە، ترەمپ بە نهێنی و ئاشكرا، ئارەزووی خۆی بۆ دیداری سەرۆكی كۆریای باكوور دەربڕیوە، بەرپرسانی ئیدارەكەش گفتوگۆ لەبارەی كۆبوونەوەی ترەمپ و و كیم جۆنگ ئۆن لە كاتی گەشتەكەیدا بۆ ئاسیا، بە كراوەیی هێشتووەتەوە.

لە لایەكی دیكەوە، كیم جۆنگ ئۆن لە مانگی ئەیلوولی ڕابردوودا ڕایگەیاندبوو، یادگاری خۆشی لەگەڵ ترەمپ هەیە و ئامادەیی خۆی بۆ گفتوگۆ لەگەڵ ئەمەریكا دەربڕیبوو، ئەگەر واشنتن واز لە داواكارییەكەی بهێنێت كە وڵاتەكەی دەستبەرداری چەكی ئەتۆمی بێت، ئەوا دەرگای گفتوگۆكانی كراوە دەبێت