شیروان میرزا: لیست ئامادەیە و سبەی ڕێکارەکانی تەواو دەکرێت

SNN-

ئەنجوومەنی وەزیرانی عێراق، ئەمڕۆ لە کۆبوونەوەی ئاسایی خۆیدا، بڕیاری خەرجکردنی مووچەی مانگی 8ی مووچەخۆرانى هەرێمی کوردستانی دا، ئەندامێکی خولی پێشووی ئەنجومەنی نوێنەرانی عێراقیش دەڵێت: “لیست ئامادەیە و سبەی ڕێکارەکانی ناردنی مووچە تەواو دەکرێت.”

شیروان میرزا، ئەندامی خولی پێشووی ئەنجومەنی نوێنەرانی عێراق بە SNNـی راگەیاند، ئەمڕۆ 120 ملیارەکە کۆکراوەتەوە، نێردراوە و خراوەتە سەر هەژماری وەزارەتی دارایی حکومەتی فیدڕاڵی، بەیانی ڕێکارەکانی ناردنی مووچە تەواو دەکرێت بەپێی هەموو ئەگەرەکان و لەگەڵ گەیشتنی بڕی پارەی مووچە دەست بە دابەشکردن دەکرێت.

ئاماژەی بەوەشکرد، پێم وایە حکومەتی هەرێمی کوردستان لیستی ئامادەبێت، راستەوخۆ دەست دەکات بە دابشکردنی مووچەی مانگی 8.

شیروان میرزا, لە بارەی واد ناردنی پارەی مووچەی مانگی 8 دەشڵێت، بە تەواوی زانیاریم نییە وەزارەتی دارای عێراق سبەێنێ یان دوو سبەی یان حەفتەی داهاتوو پارەکە دەنێرێت، بەڵام بە تەسەووری خۆم هیچ ڕێگرییەک نەماوە، بەغدا چاوەڕێی 120 ملیارەکە دەکرد، ئێستا نێردراوە، پێم وایە بەیانی وەزارەتی دارایی ئەو بڕە پارەیە بخاتە سەر هەژماری وەزارەتی دارایی هەرێم.

ڕوونیشیکردەوە، مووچە دێت ئەگەر بەهانەی نەبوونی سیوەیلە نەگرن، هەرچەندە بابەتی نەبوونی سیوەیلە لە عیراق راست نییە، بە تایبەتی بۆ مووچەی هەریمی کوردستان، چونکە باوەڕپێکراو نییە حکومەتی عیراق کەمتتر لە ترلیۆنێکی لەبەردەست نەبێت بە تایبەتی بو مووچەی مانگی 8.