کەی مووچەی مانگی 8 رەوانەی هەرێم دەکرێت؟
SNN
دوێنێ وەزارەتی دارایی و ئابوری هەرێم رایگەیاند، 120 ملیار دیناریان لە داهاتی ناوخۆ بە کاش بۆ دارایی عێراق ناردووە و چاوەڕێی ناردنی پارەکە دەکەن بۆ ئەوەی دەست بە دابەشکردنی مووچەی مانگی 8 بکەن.
بەگوێرەی زانیارییەکان، لە ئەمڕۆوە دەست بە رێکارەکانی ناردنی مووچەی مانگی 8 دەکرێت، کە دوێنێ سودانی سەرۆکوەزیرانی عێراق تەیف سامی راسپاردووە بۆ ناردنی مووچە، لە ئێستادا تەنها ئاماژەیەکی وەزیری دارایی عێراقی دەوێت لەگەڵ نوسینی کتابێک لەلایەن بەڕێوەبەری ژمێرکاری وەزارەتی دارایی عێراق، بۆ خەرجکردنی پارەکە، کە بە چەند بەشێک پارەکە واژوو دەکرێت و خەرج دەکرێت.
ئاماژە بەوەکراوە، ئەگەر کێشەی نەختینە هەبێ ئەوا مووچە چەند رۆژێک داودەکەوێت، ئەمە لە کاتێکدایە، پێشتر رێباز حەملان، یاریدەدەری سەرۆکوەزیرانی هەرێم ئاشکرایکردبوو، نەختینە پێویست لە لقی بانکی ناوەندی هەیە و پارەی پیویستی تێدایە بۆ دابەشکردنی دوو مووچەش نەک یەک مووچە.
