SNN-
دوای ئەوەی لە چەند رۆژی ڕابردوودا دۆناڵد ترەمپ، سەرۆکی ئەمریکا ڕایگەیاند، پلانی هەیە لە دوو هەفتەی داهاتوودا لە شاری بوداپێستی هەنگاريا لەگەڵ ڤیلادیمێر پوتن سەرۆکی ڕووسیا کۆببێتەوە، لە پڕێکدا لوتکەکە بۆ کاتێکی نادیار هەڵپەسێردرا.
دۆناڵد ترەمپ، سەرۆکی ئەمریکا رایگەیاند، “بڕیارمدا کۆبوونەوەکەم لەگەڵ ڤلادمێر پـوتن هەڵبوەشێنمەوە، چونکە پێموایە کۆبوونەوەیەکی لەو شێوەیە لەم کاتەدا هیچ ئەنجامێکی چاوەڕوانکراوی نابێت،”
ئاماژەی بەوەشکرد، “ئێستا کاتێکی گونجاوە بۆ سەپاندنی سزا بەسەر ئەو وڵاتەدا، بۆیە کۆبوونەوە لەگەڵیاندا گونجاو نەبوو.”
جەختیشیکردەوە، “سەرۆکی روسیا و ئۆکرانیا چاویان لە بەدیهێنانی ئاشتییە، بۆیە کاتی کۆتاییهاتنی جەنگە لەنێوانیاندا.”
