بایک: داواکارییەکەی تورکیا لە بارەی هەسەدە نابەجێیە

SNN

هاوسەرۆکی کەجەکە دەڵێت، بەردەوامی پرۆسەی ئاشتی لە باکوور پەیوەستە بە هەنگاو و هەڵوێستەکانی دەوڵەتی تورکیا و داواکارییەکی ئەنقەرەش لەبارەی رۆژئاوای کوردستان بە نالۆژیکی ناودێردەکات.

جەمیل بایک، هاوسەرۆکی کۆما جڤاکێن کوردستان (کەجەکە) لە چاوپێکەوتنێکدا لە گەڵ میدیای فەرمی حزبەکەی لەبارەی پرۆسەی ئاشتی لە باکووری کوردستان و بەردەوامی پرۆسەکە رایگەیاند، ئەوە دەکەوێتە سەر هەڵوێست و مامەڵەی ئەنقەرە و ئێستا تۆپەکە لە گۆڕەپانی ئەواندایە”.

وتیشی: پێویستە وێڕای دەستهەڵگرتن لە سیاسەتی سەرکوتکارانە، زەمینەیەکی سیاسی و یاسایی بۆ چەسپاندنی ئاشتی بڕەخسێنن.

باسی لەوەشکرد: داواکاری ئەنقەرە بۆ هەڵوەشاندنەوەی هێزەکانی سوریای دیموکراتیک (هەسەدە) داواکارییەکی ناماقوول و نابەجێیە، چونکە سوریا وڵاتێکی سەربەخۆیەوە و خەڵکەکەی بڕیار لە داهاتوویان دەدەن.

جەختیشی کردەوە: بزوتنەوەی ئازادیی کوردستان تائێستاش خوازیاری رێگەچارەی سیاسی و ئاشتییەکی هەمیشەییە، بەڵام ئەمە بە بێ وەرچەرخان لە مامەڵەی دەوڵەتی تورک ناگاتە ئەنجام.