لە كۆبوونەوەی ئەنجومەنی وەزیرانی عێراق هیچ بڕیارێك لەبارەی مووچەوە نەدرا

عەلی حەمە سەعید-SNN

وەك چاوەڕواندەكرا لە كۆبوونەوەی ئەمڕۆی ئەنجومەنی وەزیران بڕیار لەسەر ناردنی پارەی مووچەی مانگی نۆ بدرێت، بەڵام كۆبوونەوەكەی ئەنجومەنی وەزیران كۆتایی هات و هیچ بڕیارێكی لەو شێوەیە نەدرا

بەگوێرەی ئەو زانیارییانەی كە لە بەرپرسانی كورد لە بەغدا بە SNNدراون ئەوەخراوەتەڕوو، لە كۆبوونەوەكەی ئەمڕۆی ئەنجومەنی وەزیرانی عێراق، هیچ تەوەرێك تەرخاننەكرابوو بۆ گفتوگۆکردن لەسەر مووچەی مانگی نۆی فەرمانبەرانی هەرێم.

ئاماژەی بەوەشكرد، لەدوای كۆبوونەوەكەش بەهەمان شێوە هیچ بڕیارێك لەلایەن سەرۆك وەزیران و وەزیری دارایی لەسەر هەمان پرس دەرنەكراوە و گفتوگۆی لەبارەوە نەكراوە.

هاوكات بەهۆی كۆتایی هاتنی ئەركی فەرمی كابینەی ئێستای محەمەد شیاع سودانی لە چەند ڕۆژی داهاتوودا ناتوانێت بڕیارە گرنگەکان بدات، ئەمەش وادەكات مووچەی چوار مانگی داهاتووی فەرمانبەرانی هەرێم بەرەو چارەنووسێكی نادیار بڕوات.