کەشناسێک: شەپۆلێکی بارانبارین و تەرزە و هەورە تریشقە روو لەم ناوچانەی هەرێم دەکات

SNN

کەشناسێک رایدەگەیەنێت، لە نیوەی شەوی هەینیدا باران بارین لە هەندێک لە ناوچە جیاوازەکانی هەرێم دەستپێدەکات، لە هەندێک ناوچە بارانی بەخوڕ و هەورە تریشقە دەبێت.

محەمەد کەلاری، شارەزای کەشناسی لە لێدوانێکدا بە SNNی راگەیاندووە، لە ئەنجامی کاریگەری نزمە پەستانێکی دەریای ناوەڕاست و بڕێک شێی دەریای سور بۆ ناوچەکانمان، لە دوای نیوەشەوی هەینی بارانبارین لەناوچەکانمان دەست پێدەکات و بەبڕی جیاواز باران دەبارێت.

ئاماژە بەوەدەکات، لەگەڵ هاتنی شەپۆله باران بارینەکە ئەگەری هەورە تریشقەی توند هەیە بەشێوەی ناوبەناویش تاوەکوو بەرەبەیانی دووشەمە بەردەوامە و بارانەکەش سەرانسەرییە.

دەڵێت “هەندێک کات و بەتایبەتیش لەسنوری سۆران و پارێزگای دهۆک و دەوروبەری هەولێر و ڕاپەڕین ئەگەری بارانی بەخوڕ و تەرزە هەیە لەگەڵ هەورە تریشقە”.

ئەو کەشناسە جەختدەکاتەوە، پلەکانی گەرما 8 بۆ 10 پله نزمەبێتەوه و کەشێکی سارد دەست پێدەکات هەروەها چالاکی باش دەست پێدەکات بەڕێژەی 27 کیلۆمەتر لە کاتژمێرێکدا.

روونیشیدەکاتەوە، شێوازی بارانەکە ناوبەناوه و زۆرترین ڕێژە سنوری هەولێر و پارێزگای دهۆکە کە پێشبینی 20 بۆ 30 ملم باران دەکرێت بەناوچەکانی دەوروبەریشیەوه و لەبەشێکی بارانی پەڵه دەبێت، کەمترین بڕی بارانیش لە کەرکوک و گەرمیان و سلێمانی و هەڵەبجەیە ئەگەری 7 بۆ 15 ملم باران هەیە.

هاوکات، کەشناسی عێراقیش هۆشداریی بە هاووڵاتییان دەدات کە لەچەند کاتژمێری داهاتوودا باران و لافاو روو لە بەشێک لە شارەکان دەکات