کەشناسی هەرێمی کوردستان: باران بارین تاوەکو دووشەممە بەردەوام دەبێت

SNN-

شەپۆلێکی بارانبارین زۆربەی ناوچەکانی هەرێمی کوردستان و عێراقی گرتووەتەوە و بەپێی پێشبینییەکانی کەشناسی، بارانبارینەکە تا ڕۆژی دووشەممەی داهاتوو بەردەوام دەبێت و لە هەندێک ناوچەش ئەگەری لێزمەباران و بەفربارین هەیە.

لێزمەباران و هەورە تریشقە

بەشی پێشبینیی کەشناسی لە وەزارەتی گواستنەوە و گەیاندنی هەرێم ڕایگەیاندووە، پێشبینی دەکرێت بارانی ئەمڕۆ لە هەندێک ناوچەدا بگۆڕێت بۆ لێزمەباران و هەورە تریشقەی لەگەڵدا بێت.
کەشناسیی عێراقیش پشتڕاستی دەکاتەوە کە شەپۆلەکە ڕۆژانی یەکشەممە و دووشەممە بەردەوام دەبێت و لە ناوچە شاخاوییەکاندا بارانەکە بەلێزمە دەبێت.

بەفر لە شاخەکان دەبارێت

بەگوێرەی پێشبینییەکان، ئەگەری هەیە لە بەشێک لە ناوچە شاخاوییە بەرزەکان و ناوچە سنوورییەکانی هەرێمی کوردستان بەفر ببارێت.
هاوکات لەگەڵ بارانبارینەکەدا، لە هەندێک ناوچە تەم دروست دەبێت و پلەکانی گەرماش نزمبوونەوە بەخۆیانەوە دەبینن.

کەی کۆتایی دێت؟

دەستەی کەشناسیی عێراق ڕایگەیاندووە، ڕۆژی سێشەممە کاریگەریی شەپۆلی بارانبارینەکە کۆتایی دێت و کەشوهەوا دەگۆڕێت بۆ هەور و هەتاو.
هەروەها خێرایی باش لە ڕۆژی سێشەممەدا لە نێوان 10 بۆ 20 کیلۆمەتر لە کاتژمێرێکدا دەبێت