کارەبای سلێمانی: بەهۆی بارانبارینەوە کارەباى چەند گەڕەک و ناوچەیەکى سلێمانى کوژایەوە
SNN-
بەهۆی بارانبارینی بەرەبەیانی ئەمڕۆوە، کارەبای نیشتمانی لە چەندین گەڕەک و ناوچەی سلێمانی کوژایەوە. بەڕێوەبەرایەتیی کارەبای سلێمانیش ڕایدەگەیەنێت، گرفتێکی تەکنیکی ڕوویداوە و تیمەکانیان سەرقاڵی چارەسەرکردنی کێشەکەن.
یەکەم باران و گرفتە ساڵانەییەکە
بەڕێوەبەرایەتیی کارەبای سلێمانی ڕوونیکردەوە، “ساڵانە لەگەڵ یەکەم بارانباریندا، گرفت لە هێڵەکانی گواستنەوەی کارەبادا دەردەکەوێت.”
ئاماژەی بەوەشکرد، بەرەبەیانی ئەمڕۆ بەهۆی بارانەوە، لە چەند فیدەرێکدا شۆرتی کارەبا دروستبووە و بووەتە هۆی کوژانەوەی کارەبا لە چەندین شوێن.
تیمەکان سەرقاڵی چارەسەرکردنن
بەڕێوەبەرایەتییەکە دڵنیایی دەداتە هاوڵاتییان و دەڵێت، “ئێستا تیمەکانی هۆبەی دابەشکردنی کارەبا سەرقاڵی چاککردنەوەی گرفتە تەکنیکییەکانن.”
کارەبای نیشتمانی لە چەند گەڕەکێکی ناو شار و هەندێک ناوچەی دەرەوەی شاریش کوژاوەتەوە و تیمەکان کاردەکەن بۆ ئەوەی بە زووترین کات کێشەکە چارەسەر بکەن
