کۆمسیۆنی باڵای سەربەخۆی هەڵبژاردنەکانی عێراق ئەنجامی کۆتایی هەڵبژاردن رادەگەیەنێت

SNN

کۆمسیۆنی باڵای سەربەخۆی هەڵبژاردنەکانی عێراق رایدەگەیەنێت، پێشبینی دەکەین ئەمڕۆ یان سبەینێ ئەنجامی کۆتایی هەڵبژاردنی پەرلەمانی عێراق ئاشکرا بکرێت.

ئەمڕۆ یەکشەممە 16ی تشرینی دووەم، کۆمسیۆنی باڵای سەربەخۆی هەڵبژاردنەکانی عێراق رایگەیاندووە، پێشبینی دەکەین ئەمڕۆ یان سبەینێ ئەنجامی کۆتایی هەڵبژاردنی پەرلەمانی عێراق رابگەیەنین، ئەنجامەکانی ئەو بنکانەی کە ماونەتەوە (100%)هاوشێوەی جیاكردنەوە و ژماردنی دەستییە.

ئاماژەی بەوەکردوە، دەستپێکردنی پرۆسەی تەرخانکردنی کورسییەکان رادەگەیەنين، بە کورسییەکانی پشکی ژنان و کەمینەکانیشەوە.

جەختیکردووەتەوە، فەرمانگەکانی هەڵبژاردنی پارێزگاکان دەستیان کردووە بە پێدانی شریتی ئەنجامەکان بە هاوپەیمانی و حزبەکان و کاندیدەکان.

هاوکات، پرۆسەی تانەدان بۆ ماوەی سێ رۆژ دەکرێتەوە، لە رۆژی دوای بڵاوبونەوەی ئەنجامەکان لە ماڵپەڕی فەرمی دەست پێدەکات.