ئەنجامی تیر و پشک بۆ ناوی حاجیان راگەیەندرا

SNN

ئەمڕۆ تیر و پشک بۆ ناوی ئەو کەسانە کرا، کە خۆیان بۆ حەجی 2026 تۆمارکردووە.

بە وتیەی کاروان ستوونی وتەبێژی حەج و عەمرەی هەرێمی کوردستان، ئەمساڵ بۆ یەکەمجار ناو تۆمارکردن بۆ فەریزەی حەج بە شێوەی ئەلیکترۆنی بەڕێوەچوە، لەبەر تازەیی سیستمەکە پرۆسەی وردبینی و پێداچوونەوەی ناوەکان و ڕێکارەکانی دیکە ماوەیەکی زیاتری خایاند، بۆیە ئەنجامدانی تیروپشکەکە بۆ ئەمساڵ کەمێک دواکەوت.

ئاماژەی بەوەشکرد، 89 هەزار کەس ناویان بۆ بەجێگەیاندنی فەریزەی حەجی ساڵی 2026 تۆمار کردوە، لەبەر زۆری خواست.

کاروان ستوونی، ئەوەشی خستەڕوو، ئەمساڵ مەرجێک زیادکراوە ئەگەر کەسێک پێشتر فەریزەی حەجی ئەنجام دا بێت، ناوی ناچێتە نێو تیروپشکەکەوە، هەربۆیە هەزاران ناو دەرهێنراوە و دوورخراونەتەوە.

بۆ دۆزینەوەی ناو و بینینی ئەنجامی تیروپشک کلیک لێرە بکە.