لە چوار ناوچەی هەرێم پەڵەی داوە

SNN

بەوتەی راوێژکارێکی وەزارەتی کشتوکاڵ تائێستا لە چوار ناوچەی هەرێم پەڵەی داوە و لە پارێزگاکانی هەولێر، سلێمانی و هەڵەبجە پەڵەی نەداوە.

ڕزگار حەمە خدر،  ڕاوێژکاری وەزارەتی کشتوکاڵ، رایگەیاندڵ بەگوێرەی داتای کەشناسی و بڕی بارانبارین، لە پارێزگای دهۆک و ئیدارە سەربەخۆکانی زاخۆ و سۆران و ڕاپەڕین، پەڵەی داوە.”

باسی لەوەشکرد: لە پارێزگاکانی هەولێر و سلێمانی، هەڵەبجە و ئیدارەی گەرمیان، هێشتا پەڵەی نەداوە، چونکە ڕێژەی بارانبارین نەگەیشتووەتە ئەو ئاستەی پێویستە.

روونیشیکردەوە: بۆ ئەوەی زەوی بە تەواوی تێرئاو بێت و پەڵە بدات، پێویستە لە نێوان 40 بۆ 60 ملم بارانی لێ ببارێت.

بارانبارینی ئەمساڵ لە ناوەڕاستی ئەم مانگەدا بوو، کە بەراورد بە ساڵی ڕابردوو زۆر دواکەوتووە، لە کاتێکدا لە کەلتووری کوردیدا “حەقەپەڵە” ڕۆژی 5ی مانگی 11یە.