بافڵ جەلال تاڵەبانی: کارئاسانی بۆ سەرمایەدارانی هۆڵەندا دەکەین

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان، پێشوازیی لە جانێت ئەلبێردا، باڵیۆزی شانشینی هۆڵەندا لە عێراق کرد. لە دیدارێکدا، گفتوگۆ لەبارەی پێشهاتە ناوخۆیی و ناوچەییەکان کرا و جەخت لە گرنگیی بەردەوامیی پەیوەندییەکانی نێوان لایەنەکان لە هەرێمی کوردستان و عیراق کرایەوە.

فراوانکردنی پەیوەندییە بازرگانییەکان

یەکێک لە تەوەرە سەرەکییەکانی کۆبوونەوەکە، فراوانکردنی پەیوەندییە بازرگانییەکانی نێوان هەرێمی کوردستان و هۆڵەندا بوو. لەمبارەیەوە، بافڵ تاڵەبانی ئامادەیی تەواوی یەکێتیی نیشتمانیی کوردستانی بۆ کارئاسانیکردن نیشاندا بۆ سەرمایەداران و خاوەنکارانی هۆڵەندی، تاوەکو بتوانن ڕۆڵێکی کاریگەرتر لە بەهێزکردنی ژێرخانی ئابووریی هەرێمدا بگێڕن.

پشتیوانی لە کۆمەڵگەی مەدەنی

ڕەخساندنی زەمینەیەکی لەبارتر بۆ کار و چالاکییەکانی ڕێکخراوەکانی کۆمەڵگەی مەدەنی، تەوەرێکی دیکەی گفتوگۆکان بوو. سەرۆکی یەکێتیی لەمبارەیەوە ڕایگەیاند: “پشتیوانی لە ڕێکخراوەکانی کۆمەڵگەی مەدەنی دەکەین.”