نێچیرڤان بارزانى، سهرۆكى ههرێم | فۆتۆ: SNN
SNN-
نێچیرڤان بارزانی، سەرۆکی هەرێمی کوردستان سەرکۆنەی هێرشەکەی شەوی ڕابردووی سەر کێڵگەی کۆرمۆر دەکات و داوا لە حکومەتی عێراق دەکات ڕێکار بۆ سزادانی ئەنجامدەرانی بگرێتەبەر.
پەیامی سەرۆکی هەرێم
لە پەیامێکدا کە ئەمڕۆ بڵاویکردووەتەوە، نێچیرڤان بارزانی هەڵوێستی خۆی لەبارەی هێرشەکەوە خستەڕوو و بەم شێوەیە وەسفی کرد:
هێرشەکە “تیرۆریستییە”.
دژی ژێرخانی ئابووری و خزمەتگوزارییە گشتییەکانی عێراق و هەرێمی کوردستانە.
هەڕەشەیەکی ڕاستەوخۆیە لەسەر ئاسایش و سەقامگیریی وڵات.
ئەرکی بەغدا چییە؟
سەرۆکی هەرێمی کوردستان ئەرک و بەرپرسیارێتییەکە دەخاتە ئەستۆی حکومەتی فیدراڵیی عێراق و دامەزراوە ئەمنییەکان و داوای چەند هەنگاوێکی بەپەلە دەکات:
بە زووترین کات هەوڵی جددی بدەن.
ڕێکاری پێویست و کاریگەر بگرنەبەر بۆ لێپێچینەوە و سزادانی ئەنجامدەرانی ئەم تاوانە.
ڕێگری لە دووبارەبوونەوەی ئەم جۆرە هێرشانە بکەن.
