قوباد تاڵەبانی: چیتر هێرشکردنە سەر ژێرخانی ئابووری قبوڵکراو نییە
قوباد تاڵەبانی، جێگرى سهرۆكى حكومهتى ههرێم | فۆتۆ: Azhi Omar
SNN
قوباد تاڵەبانی، جێگری سەرۆکی ئەنجوومەنی وەزیران، لە پەیامێکدا بە توندی هێرشکردنەسەر کێڵگەی گازی کۆرمۆری سەرکۆنە کرد و بە تاوانێکی تیرۆریستی گەورە و بەئامانجگرتنی ژیانی خەڵک و ژێرخانی ئابووریی کوردستان و عێراقی لەقەڵەمدا.
پەرەسەندنێکی مەترسیدار
جێگری سەرۆکی ئەنجوومەنی وەزیران جەختی لەوە کردەوە کە دووبارەبوونەوەی ئەم جۆرە هێرشانە بۆسەر ژێرخانی ئابووریی کوردستان، پەرەسەندنێکی مەترسیدارە و پێویستی بە هەنگاوی کردەیی هەیە.
داواکاری لە حکومەتی فیدراڵ
لە پەیامەکەیدا، قوباد تاڵەبانی ڕایگەیاند: “ئەرکی حکومەتی فیدراڵە بە خێرایی بکەران و ئەوانەی لە پشت ئەم هێرشەوەن بۆ ڕای گشتی ئاشکرا بکات و ڕووبەڕووی سزا و لێپرسینەوەی یاساییان بکاتەوە.”
پەیامێک بۆ حکومەتی داهاتوو
هەروەها ئاماژەی بەوەدا کە بەردەوامیی ئەم هێرشانە لەلایەن گروپە چەکدارەکانی دەرەوەی دەسەڵاتی دەوڵەتەوە چیتر قبوڵکراو نییە و دەبێتە هۆی ناسەقامگیریی سیاسی و ئەمنی. بۆیە، دەبێت هەنگاوی سەرەکی حکومەتی داهاتووی عێراق، کۆتاییهێنان بەم دۆخە و سزادان و کۆکردنەوەی چەکی ئەو گروپانە بێت.
