SNN-
ئەمڕۆ پێنجشەممە، 27ی نۆڤێمبەری 2025، مەسرور بارزانی، سەرۆکی حکومەتی هەرێمی کوردستان، پەیوەندییەکی تەلەفۆنی لەلایەن محەممەد شیاع سودانی، سەرۆک وەزیرانی فیدراڵیی عێراقەوە پێگەیشت.
سەرکۆنەکردنی هێرشەکە
لە میانی پەیوەندییە تەلەفۆنییەکەدا، سەرۆک وەزیرانی عێراق بە توندترین شێوە هێرشی سەر کێڵگەی گازی کۆرمۆری سەرکۆنە و شەرمەزار کرد. سوودانی جەختی لەوە کردەوە کە ئەو هێرشە بە هێرشکردنە سەر هەموو عێراق دادەنرێت.
پێکهێنانی لیژنەی لێکۆڵینەوەی هاوبەش
هەردوو لا ڕێککەوتن لەسەر پێکهێنانی لیژنەیەکی لێکۆڵینەوەی هاوبەش. بڕیارە لیژنەکە لە نزیکترین کاتدا دەست بە کارەکانی بکات بە مەبەستی دۆزینەوە، دەستگیرکردن و بەسزا گەیاندنی ئەنجامدەرانی هێرشەکە.
