پەیامێکى تووند لە بافڵ جەلال تاڵەبانییەوە
پەیامی سەرۆک بافڵ لەبارەی هێرشەکەی سەر کێڵگەی غازی کۆرمۆر
SNN
بافڵ جەلال تاڵەبانى، سەرۆکى یەکێتیی نیشتمانیی کوردستان، لەبارەى هێرشەکەى سەر کێڵگەى کۆرمۆر ڕایگەیاند، هێرشە تیرۆریستییەکەی سەر کێڵگەی غازی کۆرمۆر جێگای قبوڵ نییە و بە توندترین شێوە ئیدانەی دەکەین.دەشڵێت “ئامانجی هێرشەکە زیانگەیاندنە بە گوزەرانی هاونیشتمانیانمان لە هەرێمی کوردستان و عێراق و تێکدانی سەقامگیری وڵاتەکەمان”.
“وەڵامى هێرشەکە تووند دەبێت”
سەرۆکى یەکێتىى ئاماژەى بەوەشکردووە، وەڵامدانەوەمان بۆ ئەم هێرشە یەکلاکەرەوە و تووند دەبێت و هەموو رێکارێکی پێویست بۆ پاراستنی گیانی هاونیشتمانیانمان دەگرینەبەر.
چەک لە دەستى دەوڵەتدا نییە
بافڵ جەلال تاڵەبانى، ئەوەشى خستووەتەڕوو، چەک تەنیا دەبێت بەدەست دەوڵەتەوە بێت. ئەو میلیشیایانە کە لە دەرەوەی سەروەری یاسا کار دەکەن یان دەبێت هەڵبوەشێندرێنەوە یان لەناوببرێن.
