بارانبارین دەستپێدەکات

SNN-
دەستەی کەشناسیی عێراق “مزگێنی” بارانبارین دەدات و ڕایدەگەیێنێت، لە سبەی یەکشەممەوە شەپۆلێکی نمەباران ڕوو لە ناوچەکە دەکات و هەست بە سەرما دەکرێت.

گۆڕانکاری کەشوهەوا

دەستەی کەشناسیی عێراق لە ڕاگەیێندراوێکدا پێشبینییەکانی بۆ ڕۆژانی داهاتوو خستەڕوو و دەڵێت، ڕۆژی یەکشەممە گۆڕانکاری بەسەر کەشوهەوادا دێت:ئاسمان نیمچە هەور بۆ هەوری تەواو دەبێت
ئەگەری نمەباران لە هەرێمی کوردستان و پارێزگاکانی باکوور هەیە.

پلەکانی گەرما نزمبوونەوە تۆمار دەکەن.

پلەی گەرمای سبەی
بۆ ڕۆژی یەکشەممە، پلەکانی گەرما لە شارەکانی عێراق و هەرێمی کوردستان بەم شێوەیە دەبن:
سلێمانی: 19 پلە.
دهۆک و نەینەوا: 21 پلە.
هەولێر، کەرکووک و ئەنبار: 22 پلە.
بەغداد و دیالە: 24 پلە.
باشووری عێراق (بەسڕە و دەوروبەری): 27 پلە.

کەشوهەوای ڕۆژانی داهاتوو

کەشناسیی عێراق نەخشەی کەشوهەوای بۆ ڕۆژانی دووشەممە تا چوارشەممە بەم شێوەیە کێشاوە:
دووشەممە:
ئاسمان نیمچە هەور دەبێت.
ئەگەری بارانێکی کەم لە هەرێمی کوردستان و پارێزگاکانی باکوور و ڕۆژهەڵات هەیە.
پلەی گەرما لە باکوور و باشوور جێگیرە، بەڵام لە ناوەڕاست کەمێک بەرز دەبێتەوە.
سێشەممە:
ئەگەری بارانبارین دەگوازرێتەوە بۆ ناوچەکانی باشوور.
پلەکانی گەرما لە تەواوی پارێزگاکان نزم دەبێتەوە.
چوارشەممە:
ئاسمان لە تەواوی پارێزگاکان نیمچە هەور دەبێت.
پلەکانی گەرما هاوشێوەی ڕۆژی سێشەممە دەبن و بە نزمی دەمێننەوە