نوێنەری حکومەتی هەرێم لە بەغدا: لەم هەفتەیەدا حكومەتی عێراق مووچە دەنێرێت

SNN-

سەرۆکی نوێنەرایەتیی حکومەتی هەرێمی کوردستان لە بەغدا رایگەیاند، ئەگەری هەیە لە سەرەتای ئەم هەفتەیە وەزارەتی دارایی عێراق مووچەی مانگی 9ـی فەرمانبەرانی كوردستان بنێرێت.

فارس عیسا، سەرۆکی نوێنەرایەتیی حکومەتی هەرێمی کوردستان لە بەغدا رایگەیاند، “لەو باوەڕەم وەزارەتی دارایی عێراق ڕۆژی یەکشەممەی داهاتوو مووچەی مانگی 9ـی فەرمانبەرانی حکوومەتی هەرێمی کوردستان بنێریت.”

ئاماژەی بەوەشکرد، هەوڵی ئەوە دەدەن حکومەتی عێراق مووچەی مانگەکانی داهاتووش بنێرێت.

سەرۆکی نوێنەرایەتیی حکومەتی هەرێم دەشڵێت، “پێویست بوو حکومەتی فیدراڵ ئەم هەفتەیە مووچەی فەرمانبەرانی هەرێمی کوردستانی ناردبایە، چونکە ئێمە هەموو پابەندییەکانی خۆمان جێبەجێ کردووە.”