وەزارەتی دارایی: سبەی دابەشکردنی مووچە دەستپێدەکات و دوای نیوەڕۆ سەردانی بانکەکان بکەن

SNN-

وەزارەتی دارایی و ئابووریی حکومەتی هەرێمی کوردستان خشتەی دابەشکردنی مووچەی مانگی ئەیلوولی بڵاوکردەوە و ڕایدەگەیەنێت، پڕۆسەکە لە ڕۆژی یەکشەممەوە دەستپێدەکات.

سێ ڕۆژ مووچە دابەشدەکرێت

بەگوێرەی ڕاگەیێنراوی وەزارەتەکە، ڕۆژی یەکشەممە 30-11-2025 دەست بە دابەشکردنی مووچەی مانگی ئەیلوولی مووچەخۆران دەکرێت و ڕۆژی سێشەممە 02-12-2025 کۆتایی بە دابەشکردنی مووچە دێت.

کاتژمێر 1:00ـی پاشنیوەڕۆ سەردانی بانکەکان بکەن

وەزارەتی دارایی داوا لە سەرجەم مووچەخۆران دەکات، لە دوای کاتژمێر 1:00ـی پاشنیوەڕۆوە سەردانی بانکەکان بکەن بۆ وەرگرتنی مووچەکانیان.
هۆکاری دیاریکردنی کاتەکە

وەزارەتی دارایی ڕوونکردنەوە دەدات کە بەهۆی ئەوەی وەرگرتنی پارە بەشێوەی کاش لە لقی هەولێری بانکی ناوەندی عێراق دەکەوێتە سبەی لە کاتی دەوامی فەرمیدا، پێویستیان بە کاتە بۆ گواستنەوەی پارەکە بۆ سەرجەم بانکەکان لە پارێزگا و ئیدارە سەربەخۆکان، بۆیە دابەشکردنەکە دەکەوێتە پاشنیوەڕۆ.