وهزارهتی سامانه سروشتییهكان: تا ئێستا زیاتر لە 107ملیۆن بەرمیل نەوتمان دابەشکردووە
SNN-
وەزارەتی سامانە سروشتییەکان رایگەیاند، بە نرخی پاڵشتیی حكومی، نەوتی سپی بەسەر نزیکەی 536 هەزار خێزان لە پارێزگا و ئیدارە سەربەخۆکانی هەرێمی كوردستان دابەشکراوە.
“زیاتر لە 107 ملیۆن بەرمیل نەوت دابەشكراوە”
وەزارەتی سامانە سروشتیەكان، بڵاویكردەوە:”تاوەكوو ئەمڕۆ زیاتر لە 107 ملیۆن بەرمیل نەوتی سپی بەسەر نزیکەی 536 هەزار خێزان لە پارێزگا و ئیدارە سەربەخۆکانی هەرێمی كوردستان دابەش کراوە.”
“زۆرترین نەوت لە هەولێر دابەشکراوە”
دەشڵێت: زۆرترین نەوت لە پارێزگای هەولێر دابەش كراوە كە بڕەكەی 28 ملیۆن لیتر بووە، كەمترینیش لە ئیدارەی زاخۆ بووە بە دوو ملیۆن و 58 ههزار لیتر.
هەروەها لە دهۆك و زاخۆ 7 ملیۆن و 868 لیتر نەوتیان لە عەمبارەكان ماوە، لە هەولێر و لە سۆران زیاتر لە 200 ههزار 581 لیتر نەوت لە عەمبارەكان ماوە و ئەویش دابەش دەكرێت.
پێشتر کەمال محەمەد، وەزیری سامانە سروشتییەکان بە وەکالەت ڕایگەیاند:”لە سێ ساڵی پێشوودا، بە نرخی پاڵپشتی نەوت دابەش کراوە، لە هەندێک شوێن ساڵانە دوو بەرمیل نەوت بە ماڵان دراوە و ئەمساڵیش بە نرخی پاڵپشتی دەدرێت”.
