لەگەڵ بارینی نمە بارانێک کارەبای بەشێک لە هەولێر بڕا

SNN

بەگوێرەی زانیارییەکانی تۆڕی هەواڵی سلێمانی، دوای ئەوەی کەمێک پێش ئێستا باران بارین لە سنووری هەولێر دەستیپێکرد، کارەبای بەشێک لە گەڕەکەکانی سنووری پارێزگاکە بڕا و تاوەکو ئێستاش هۆکارەکەی نازانرێت.

مانگی رابردووش دوای بارینی باران لە چەند ناوچەیەکی جیاوازی هەرێمی کوردستان هەمان گرفت بۆ کارەبای 24 کاتژمێری دروستبوو، بەڵام لە ماوەیەکی کەمدا چارەسەر کرا.

بەگوێرەی پێشبینییەکان، لە ئەمشەوەوە شەپۆلێکی باران بارین روودەکاتە هەرێمی کوردستان و بە وتەی محەمەد کەلاری شارەزای کەشناسی، لە رۆژی سێشەممەدا ئەگەری دروستبوونی لافاو زۆرە.