سوپای تورکیا چووە ناو ڕۆژئاوای کوردستانەوە
SNN
ماوەی دوو رۆژە سوپای تورکیا جموجۆلێ نائاسایی لە رۆژئاوای کوردستان دەستپێکردووە، ماڵپەڕی “نۆرس پرێس” کە تایبەتە بە بڵاوکردنەوەی هەواڵەکانی ڕۆژئاوای کوردستان ئاماژەی بەوەکرد، شەوی یەکشەممە، کاروانێکی سوپای تورکیا کە لە زیاتر لە 20 ئۆتۆمبێلی سەربازی پێکهاتووە داخڵی سەرێکانی بوون.
ماڵپەڕەکە، ڕوونیشیکردەوە کاروانەکە لە دەروازەی عدوانییەوە چوونەیە ڕۆژئاوای کوردستان کە 45 کیلۆمەتر لە ڕۆژئاوای سەرێکانییەوە دوورە و تەنیا سوپای تورکیا بۆ هاتووچۆ بەکاری دەهێنێت.
دوێنێش چەند دیمەنێکی میلیشیاکانی سەر بە ئەحمەد شەرع بڵاوکرایەوە کە درۆنیان بۆ ئەو ناوچانە دەگواستەوە کە لەگەڵ ناوچەکانی ژێر کۆنترۆڵی هێزەکانی سووریای دیموکرات هاوسنوورن.
