“یەکێتی و پارتی ناوەڕاستی هەفتەی داهاتوو بۆ پێکهێنانی حکومەت کۆدەبنەوە”

SNN-

بەگوێرەی زانیارییەکان، بڕیارە دوای ماوەیەک لە وەستان، لە ناوەڕاستی هەفتەی داهاتوودا شاندی دانوستانکاری یەکێتیی نیشتمانیی کوردستان و پارتی دیموکراتی کوردستان کۆببنەوە و دەست بە گفتوگۆکانی تایبەت بە پێکهێنانی کابینەی دەیەم بکەنەوە.

“ڕەشنووسی دیدگای هاوبەش ئامادە کراوە”

لە کۆبوونەوەکانى ڕابردوودا هەردوو لایەن پێکەوە ڕەشنووسێکی دیدگای هاوبەشیان بۆ شێوازی حکومڕانی داڕشتووە و ڕێککەوتنی لەسەر کراوە کە ئەم ڕەشنووسە دەبێتە بەشێک لە کارنامە و بەرنامەی کاری کابینەی داهاتووی حکومەتی هەرێمی کوردستان و هەنگاوەکانی داهاتوو لەسەر ئەو بنەمایە دەبێت.