لەسنوری هەولێر بەهۆی دروستبوونی لافاوەوە نزیكەی 380 هەزار ماسی گەورە لەناوچوون

عەلی حەمە سەعید-SNN
ناوەندی هاوبەشی هاوئاهەنگی قەیرانەكانی سەربە وەزارەتی ناوخۆی عێراق بڵاوی كردەوە، لە سنووری پارێزگای هەولێر نزیکەی 380 هەزار ماسی گەورە بەهۆی درووستبوونی ئەو لافاوەی، كە لە سنووری تەقتەق و كۆیە درووستبوو، لە ناوچوون.

بە گوێرەی ڕاگەیەنداروێكی ناوەندی هاوبەشی هاوئاهەنگی قەیرانەكانی سەربە وەزارەتی ناوخۆی عێراق، ئاماژە بەوەكراوە كە لە سنووری پارێزگای هەولێر 379 هەزار 900 ماسی گەورە بەهۆی درووستبوونی ئەو لافاوەی، كە لە سنووری تەقتەق و كۆیە درووستبوو، لە ناوچوون.

ئاماژە بەوەشكراوە، لەگەڵ درووستبوونی لافاودا، بە تەواوی لەو سنوورەدا بە دەیان حەوزی گەورەی ماسی بە تەواوی لەناوچوون، هاوكات لەناو 300 حەوزی ماسی سنووری ناحیەی تەق تەق سەرجەمیان ئاوبردوونی و حەوزەكان لەناوچوون.

ئەمە لەكاتێكدایە، بەهۆی بارانی بەخوڕ و درووستبوونی لافاوەوە، لە سنووری قەزای چەمچەماڵ زیانی گیانی و ماددی زۆری بەدوای خۆیدا هێنا و لە ئێستادا لە زۆربەی شاروشارۆچكەكانی هەرێم هەڵمەتی كۆكردنەوەی هاوكاری بۆ لێقەوماوانی ئەو لافاوەی چەمچەماڵ دەستپێكردووە.